News5am, Latest Breaking News (10-06-2025): భారత క్రికెట్ లెజెండ్, మాజీ కెప్టెన్ ఎంఎస్ ధోనికి మరో అరుదైన గౌరవం లభించింది. అంతర్జాతీయ క్రికెట్ మండలి (ICC) ప్రకటించిన 2025 హాల్ ఆఫ్ ఫేమ్ జాబితాలో ధోనికి స్థానం దక్కింది. ధోనితో పాటు ఆస్ట్రేలియాకు చెందిన మాథ్యూ హెడెన్, దక్షిణాఫ్రికా క్రికెటర్లు హాషిమ్ అమ్లా, గ్రేమ్ స్మిత్, న్యూజిలాండ్‌కు చెందిన డానియేల్ వెటోరికు కూడా ఈ గౌరవం దక్కింది. మహిళా క్రికెటర్లలో ఇంగ్లాండ్ వికెట్ కీపర్ సారా టేలర్, పాకిస్తాన్ మాజీ కెప్టెన్ సనా మిర్‌లకు కూడా ఈ జాబితాలో చోటు లభించింది. ఈ గౌరవం దక్కిన సందర్భంగా ధోని మాట్లాడుతూ, “ఐసీసీ హాల్ ఆఫ్ ఫేమ్‌లో స్థానం పొందడం గొప్ప గౌరవంగా భావిస్తున్నాను. ప్రపంచవ్యాప్తంగా ఉన్న గొప్ప క్రికెటర్లతో నా పేరు చేరడం గర్వంగా ఉంది. ఇది నేను ఎన్నటికీ మర్చిపోను” అని పేర్కొన్నాడు.
ధోని కెప్టెన్సీలో భారత్ 2007లో టీ20 వరల్డ్కప్, 2011లో వన్డే వరల్డ్కప్, 2013లో చాంపియన్స్ ట్రోఫీ గెలిచింది. టెస్ట్ క్రికెట్‌లో కూడా భారత్‌ను నెంబర్ 1 స్థానానికి తీసుకెళ్లాడు. మొత్తం 538 అంతర్జాతీయ మ్యాచ్‌ల్లో 17,266 పరుగులు చేసి, వికెట్ కీపర్‌గా 829 వికెట్లు సాధించాడు. ఈ గణాంకాలు ధోనిని గొప్ప ఆటగాడిగా నిలిపాయి. 2007 వన్డే వరల్డ్‌కప్‌లో భారత్ నిరాశ ఎదుర్కొన్న సమయంలో, ధోనికి టీ20 వరల్డ్కప్ కెప్టెన్సీ ఇచ్చారు. అప్పుడు యువ జట్టుతో గెలుపు సాధించి, భారత్‌కు మొదటి టీ20 వరల్డ్కప్ టైటిల్‌ను అందించాడు. అంతర్జాతీయ క్రికెట్‌కు గుడ్‌బై చెప్పినప్పటికీ, ఐపీఎల్‌లో ఇంకా ఆడుతున్నాడు. హాల్ ఆఫ్ ఫేమ్‌లో స్థానం దక్కడం ధోని కెరీర్‌లో మరొక గుర్తుండిపోయే ఘట్టంగా నిలిచింది.
More Latest Breaking News:
Latest Breaking News:
ఐదు మ్యాచ్‌ల సిరీస్ కోసం టీం ఇండియా ఇంగ్లాండ్ చేరుకుంది..
ఇండోనేషియా ఓపెన్‌లో రెండో రౌండ్‌లో సింధు వెనుకబడింది.
More Latest Breaking News: External Sources
మిస్టర్ కూల్ ధోనికి అరుదైన గౌరవం..!