హైదరాబాద్: కేంద్రంలోని బీజేపీ ప్రభుత్వ ఆదేశాల మేరకే దావోస్‌లో జరిగిన వరల్డ్ ఎకనామిక్ ఫోరం (డబ్ల్యూఈఎఫ్)లో తెలంగాణ ప్రభుత్వం గౌతమ్ అదానీతో ఒప్పందం కుదుర్చుకుందని ఆరోపించిన బీఆర్ఎస్ వర్కింగ్ ప్రెసిడెంట్ కేటీ రామారావు ఈ అంశంపై కాంగ్రెస్ స్పష్టతనివ్వాలని అన్నారు.’మోదీ, అదానీ ఇద్దరూ ఒక్కటేనని కాంగ్రెస్ అధినేత రాహుల్ గాంధీ గతంలో అన్నారు. టీపీసీసీ అధ్యక్షుడు రేవంత్‌రెడ్డి కూడా పార్టీ జాతీయ కార్యవర్గ సమావేశంలో ప్రధాని నరేంద్ర మోదీ, అదానీ ఇద్దరూ ఒకేలా ఉన్నారని చెప్పారు’’ అని గురువారం తెలంగాణ భవన్‌లో పార్టీ నేతలతో కేటీఆర్ అన్నారు.
కాగా, గురువారం తెలంగాణ భవన్‌లో పార్టీ ఎమ్మెల్సీలతో కేటీఆర్ సమావేశమయ్యారు. లోక్‌సభ ఎన్నికల్లో బీఆర్ఎస్, కాంగ్రెస్, బీజేపీల మధ్య ముక్కోణపు పోరు ఉంటుందని, జిల్లా స్థాయిలో పార్టీ పనిచేస్తుందని చెప్పారు. ఎమ్మెల్సీలు పార్టీ నేతలతో సమన్వయంతో పని చేయాలని కోరారు.