విలేజ్ డ్రామాగా రూపొందుతున్న ‘ప్రణయగోదారి’లో సదన్ హీరోగా నటిస్తుండగా, ప్రియాంక ప్రసాద్ కథానాయికగా నటిస్తోంది. పిఎల్ విఘ్నేష్ దర్శకత్వం వహించిన ‘ప్రణయ గోదారి’ని పిఎల్‌వి క్రియేషన్స్‌పై పరమళ్ల లింగయ్య నిర్మించారు. తాజాగా ఈ సినిమా విడుదల తేదీని ప్రకటించారు మేకర్స్. డిసెంబర్ 13న ప్రపంచవ్యాప్తంగా విడుదల కానున్న ఈ చిత్రం పోస్టర్‌ను మేకర్స్ అధికారికంగా విడుదల చేశారు. ఈ పోస్టర్‌లో సినిమాలోని ప్రధాన పాత్రలను చూపించారు. ఇందులో సాయి కుమార్ కీలక పాత్ర పోషిస్తున్న సంగతి తెలిసిందే. ఆయన వేషధారణ, ఆహార్యం, నటన ఈ చిత్రానికి ప్రత్యేక ఆకర్షణగా నిలుస్తాయి.
ప్రణయ గోదారి నుంచి ఇప్పటి వరకు రిలీజ్ అయిన కంటెంట్ ఆడియెన్స్‌ను ఆకట్టుకుంది. పాటలు, పోస్టర్‌లు ఇలా అన్నీ సోషల్ మీడియాలో వైరల్ అయ్యాయి. ఇక ఈ చిత్రాన్ని డిసెంబర్ 13న రిలీజ్ చేస్తుండటంతో, ప్రమోషన్ కార్యక్రమాల్లో స్పీడు పెంచనున్నారు మేకర్స్. మున్ముందు మరింత కంటెంట్‌తో ఆడియెన్స్‌లో హైప్ పెంచేందుకు చిత్రయూనిట్ ప్రమోషన్స్ ను భారీ స్థాయిలో ప్లాన్ చేస్తోంది. మార్కండేయ సంగీతం అందిస్తున్న ఈ సినిమాకు, ఈదర ప్రసాద్ కెమెరామెన్ గా పని చేస్తున్నారు. కో డైరెక్టర్స్ గా జగదీశ్ పల్లి మరియు పురం కృష్ణ, డిజైనర్ గా TSS కుమార్ వర్క్ చేస్తున్నారు. కొరియోగ్రఫర్స్ కళాధర్ , మోహనకృష్ణ , రజిని, ఎడిట‌ర్ గా కొడగంటి వీక్షిత వేణు, ఆర్ట్ డైరెక్టర్‌గా విజయకృష్ణ ఈ చిత్రానికి పని చేస్తున్నారు.