అల్లు అర్జున్ పుష్ప సెకండ్ పార్ట్ పై భారీ అంచనాలు నెలకొన్నాయి. మొదటి భాగం సూపర్ హిట్ కావడంతో సుకుమార్ రెండో భాగాన్ని ప్రతిష్టాత్మకంగా తెరకెక్కిస్తున్నారు. మైత్రీ మూవీ మేకర్స్ ఈ చిత్రాన్ని ఎంతో ప్రతిష్టాత్మకంగా నిర్మిస్తున్నారు. రష్మిక మందన్న కథానాయికగా నటిస్తున్న ఈ చిత్రం ఎట్టకేలకు డిసెంబర్ 5న ప్రేక్షకుల ముందుకు రానుంది.ఈ సినిమా ప్రమోషన్స్‌లో భాగంగా బీహార్‌లో ఇప్పటికే ట్రైలర్‌ని విడుదల చేశారు. మరో ఆసక్తికరమైన విషయం ఏమిటంటే అదే రోజు అదే ప్రాంగణంలో ఈ సినిమాలో ఐటెం సాంగ్ కిస్సిక్ రిలీజ్ చేసేందుకు ప్లాన్ చేస్తున్నారు. ఈ సాంగ్ లో అల్లు అర్జున్ తో పాటు శ్రీ లీల డ్యాన్స్ చేసింది. వీరిద్దరి డ్యాన్స్ స్టెప్పులు ఒక రేంజ్ లో సెట్ అయ్యాయని టాక్ వినిపిస్తోంది. ఆరోజు ఈ సాంగ్ రిలీజ్ కాబోతూ ఉండడంతో అందరిలో అంచనాలు మరింత పెరుగుతున్నాయి.
ఈ సాంగ్ డ్యాన్స్ నెంబర్‌గా వస్తుండడంతో ఈ పాట ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. ఇక ఈ సినిమాలోనే ఈ పాట హైలైట్‌గా నిలవనుందని చిత్ర యూనిట్ చెబుతోంది. కాగా, ఈ పాటను ఎవరు పాడారన్న విషయం పై మేకర్స్ క్లారిటీ ఇచ్చారు. ‘కిసిక్’ సాంగ్‌ని తెలుగు, తమిళ్, కన్నడ భాషల్లో సింగర్ సుభాషిణి పాడగా, హిందీలో సుభాషిణి, లోతిక ఝా మలయాళంలో, ప్రియా జెర్సన్ బెంగాలీలో , ఉజ్జయినీ ముఖర్జీ ఆలపించారు. ఇలా పలు భాషల్లో ఈ పాటకు సంబంధించిన సింగర్స్‌ను పరిచయం చేస్తూ ‘పుష్ప-2’ మేకర్స్ ఈ పాటపై మరింత హైప్ తీసుకొస్తున్నారు. ఈ పాటను నవంబర్ 24న సాయంత్రం 7.02 గంటలకు విడుదల చేయనున్నట్లు చిత్ర యూనిట్ తెలిపింది.