నందమూరి బాలకృష్ణ ఒకవైపు రాజకీయాలు చేస్తూనే మరోవైపు సినిమాలు చేస్తున్నారు. 2024 ఎన్నికల్లో తెలుగుదేశం పార్టీ తరపున హిందూ ఎమ్మెల్యే అభ్యర్థిగా పోటీ చేసి మూడోసారి భారీ మెజారిటీతో గెలుపొందారు. ఎన్నికల తర్వాత సినిమాలపై దృష్టి సారించారు. అందుకే ప్రస్తుతం ఆంధ్రప్రదేశ్ అసెంబ్లీ సమావేశాలకు హాజరు కాకుండా తన సినిమా షూటింగ్ లో పాల్గొంటున్నాడు. నందమూరి బాలకృష్ణ నటిస్తున్న 109 సినిమా షూటింగ్ ప్రస్తుతం రాజస్థాన్‌లో జరుగుతోంది. బాబీ దర్శకత్వంలో హారిక హాసిని, సితార ఎంటర్‌టైన్‌మెంట్స్‌తో భారీ బడ్జెట్‌తో ఈ చిత్రాన్ని నిర్మించారు. అక్టోబర్ లేదా నవంబర్ నాటికి సినిమాను పూర్తి చేసి మంచి రిలీజ్ డేట్ ఏర్పాటు చేయాలని నిర్మాతలు తెలిపారు. ఇక ఈ సినిమా సంగతి పక్కన పెడితే సినిమా అయిపోయిన వెంటనే బాలకృష్ణ రెండు సినిమాలు ఒకేసారి మొదలుపెట్టబోతున్నట్లుగా టాలీవుడ్ వర్గాల్లో ప్రచారం జరుగుతోంది.
అందులో ఒకటి అఖండ 2. అఖండ నిర్మాత మిరియాల రవీందర్ రెడ్డితో పాటు 14 ప్లస్ ఎంటర్‌టైన్‌మెంట్స్‌పై గోపీ ఆచంట, రామ్ ఆచంట ఈ చిత్రాన్ని నిర్మించనున్నారు. బాలకృష్ణ చిన్న కూతురు తేజస్విని ఈ సినిమాతో నిర్మాణ రంగంలోకి అడుగుపెడుతోంది. ఆమె ఈ చిత్రానికి కో-ప్రొడ్యూసర్‌గా వ్యవహరించనుంది. ఈ బోయపాటి సినిమాతో పాటు బాలకృష్ణ మరో సినిమాను కూడా ప్రారంభించబోతున్నట్లు తెలుస్తోంది. దిల్ రాజు నిర్మించబోతున్న ఈ సినిమాకి దర్శకుడు ఎవరు అనే విషయం మీద ప్రస్తుతానికి సస్పెన్స్ కొనసాగుతోంది. కాబట్టి అనౌన్స్ చేసే సమయంలో డైరెక్టర్ ఎవరు అనే విషయం మీద క్లారిటీ వచ్చే అవకాశం ఉంది. ఇక బాలకృష్ణ ఊపు చూస్తుంటే కుర్ర హీరోలతో పోటీ పడుతున్నాడా అని అనిపించక మానదు. అయితే కుర్ర హీరోలే ఆచితూచి సినిమాలు చేస్తుంటే బాలకృష్ణ మాత్రం మంచి జోష్ లో సినిమాలు చేస్తూ వరుస హిట్లు కొడుతూ దూసుకుపోతున్నాడు.