కొరటాల శివ దర్శకత్వంలో యంగ్ టైగర్ ఎన్టీఆర్, జాన్వీ కపూర్ జంటగా నటించిన చిత్రం దేవరా సూపర్ హిట్ గా నిలిచింది. సెప్టెంబర్ 27న విడుదలై 50 రోజులు పూర్తి చేసుకున్న దేవర, విడుదలైన అన్ని సెంటర్లలో బ్రేక్ ఈవెన్ సాధించి బయ్యర్లకు భారీ లాభాలను తెచ్చిపెట్టింది. యంగ్ టైగర్ నటన, యాక్షన్ సన్నివేశాలు, పాటలు ప్రేక్షకులను ఆకట్టుకున్నాయి. దేవర సక్సెస్తో తారక్ ఫ్యాన్స్ ఫుల్ ఎక్సైట్మెంట్లో ఉన్నారు. ఇప్పటికి ఆంధ్రాలో ముఖ్యమైన సెంటర్లలో దేవర సక్సెస్ ఫుల్ గా రన్ అవుతోంది.
దేవర డిజిటల్ రైట్స్ ను భారీ ధరకు కొనుగోలు చేసిన ప్రముఖ ఓటీటీ సంస్థ నెట్ ఫ్లిక్స్ ఈ సినిమాను ఓటీటీ స్ట్రీమింగ్ కు తీసుకువచ్చింది. నవంబరు 8న డిజిటల్ స్ట్రీమింగ్ కు వచ్చిన దేవర సూపర్ రెస్పాన్స్ రాబడుతోంది. మిలియన్ వ్యూస్ రాబడుతూ దూసుకెళ్లింది. దేవర పార్ట్1 తన గ్లోబల్ డామినేషన్ ను కొనసాగిస్తోంది. రిలీజ్ నాటి నుండి ఇప్పటి వరకు 2024లో అత్యధిక కాలం ట్రెండింగ్లో ఉన్న తెలుగు చిత్రంగా వరుసగా 4వ వారం ట్రెండ్ అవుతోంది దేవర. అలాగే 2.8M వ్యూస్ రాబట్టడంతో పాటు నెట్ ఫ్లిక్స్లో 8.1 మిలియన్ గంటలు చూసిన నాన్ ఇంగ్లిష్ చిత్రాలలో ప్రపంచవ్యాప్తంగా 6వ స్థానంలో కొనసాగుతుంది. దేవర 7 దేశాలలో టాప్ 10 హిట్ సినిమాల లిస్ట్ లో నిలిచింది. అటు థియేటర్స్ లోను ఇటు ఓటీటీ లోను దేవర రికార్డ్స్ క్రియేట్ చేయడంతో నందమూరి ఫ్యాన్స్ ఫుల్ జోష్ లో మరోసారి ఎక్స్ లో దేవర ను ట్రెండింగ్ చేస్తున్నారు.