పవర్ స్టార్ పవన్ కళ్యాణ్ నటించిన మోస్ట్ క్రేజీ మూవీ OG. ఎప్పుడో ప్రారంభం కావాల్సిన పవన్ కళ్యాణ్ సినిమా షూటింగ్ రాజకీయ కారణాల వల్ల కొన్ని నెలల పాటు పక్కన పెట్టారు. తాజాగా ఈ సినిమా షూటింగ్‌ని రీస్టార్ట్ చేశారు మేకర్స్. యువ దర్శకుడు సుజీత్ దర్శకత్వం వహిస్తున్న ఈ చిత్రాన్ని డివివి దానయ్య భారీ బడ్జెట్‌తో నిర్మిస్తున్నారు. ఈ సినిమా షూటింగ్ హైదరాబాద్ రామోజీ ఫిల్మ్ సిటీలో జరుగుతోంది.
ప్రస్తుతం హీరో లేని సన్నివేశాలను తెరకెక్కిస్తున్నాడు దర్శకుడు సుజిత్. కోల్ కతా నేపథ్యంలో సాగే యాక్షన్ ఎంటర్టైనర్ గా రానుంది OG. కాగా ఇప్పుడు ఈ సినిమా నుండి ఓ ఇంట్రెస్టింగ్ అప్ డేట్ టాలీవుడ్ లో చక్కర్లు కొడుతుంది. పవన్ కళ్యాణ్ నటిస్తున్న ఈ హై యాక్షన్ సినిమాలో పవన్ కళ్యాణ్ వారసుడు అకీరా నందన్ నటిస్తున్నాడు. రెండు రోజుల క్రితం అకిరా నందన్ కు సంబంధించి షూట్ కూడా ముగించారట. సినిమా చివరలో వచ్చే కీలక సన్నివేశంలో అకిరా కనిపించబోతున్నాడట. ఈ సీన్స్ సినిమాకే హైలెట్ గా నిలుస్తాయని చెబుతోంది యూనిట్. పవన్ కళ్యాణ్ అలాగే అకిరా ఒకే ఫ్రేమ్ లో కనిపిస్తారా అనేది క్లారిటీ రాలేదు. ఏదేమైనా తాము ఎంతగానో ఎదురుచూస్తున్న తమ అభిమాన హీరో వారసుడు టాలీవుడ్ ఎంట్రీ న్యూస్ పై ఫ్యాన్స్ ఫుల్ ఖుషి అవుతున్నారు. ఇక ఈ సినిమాను వచ్చే ఏడాది సమ్మర్ లో రిలీజ్ చేసేందుకు ప్లాన్ చేస్తున్నారు మేకర్స్.