తెలంగాణలో రేపటి నుంచి గ్రూప్-2 పరీక్షలు ప్రారంభం కానున్నాయి. రాష్ట్రంలోని 783 గ్రూప్-2 సర్వీస్ పోస్టుల భర్తీకి ఈ నెల 15, 16 తేదీల్లో పరీక్షలు నిర్వహించేందుకు టీజీపీఎస్సీ విస్తృత ఏర్పాట్లు చేసింది. ఓఎంఆర్ పరీక్ష నిర్వహణకు రాష్ట్రవ్యాప్తంగా 1,368 కేంద్రాలను సిద్ధం చేశారు. TGPSC నోటిఫికేషన్‌ను విడుదల చేసిన 29 డిసెంబర్ 2022న 5,51,943 మంది ఈ పోస్టులకు దరఖాస్తు చేసుకున్నారు. పరీక్ష నిర్వహణకు గతంలో పలుమార్లు ఏర్పాట్లు చేసినా పలు సాంకేతిక కారణాలతో వాయిదా పడింది. ఒక్కో పేపర్‌కు 150 మార్కుల చొప్పున నాలుగు పేపర్లలో మొత్తం 600 మార్కులకు పరీక్షలు నిర్వహిస్తారు.
పరీక్షలు ఉదయం 10 గంటల నుంచి మధ్యాహ్నం 12.30 గంటల వరకు, మధ్యాహ్నం 3 గంటల నుంచి సాయంత్రం 5.30 గంటల వరకు జరుగుతాయి. పరీక్ష ప్రారంభానికి అరగంట ముందు గేట్లను మూసివేస్తామని టీజీపీఎస్సీ ఇప్పటికే స్పష్టం చేసింది. అభ్యర్థులు హాల్‌టికెట్‌తో పాటు ప్రభుత్వం జారీ చేసిన ఫోటో గుర్తింపు కార్డును తీసుకురావాలని చెప్పారు. అభ్యర్థులు మంగళసూత్రం, కంకణాలు ధరించవచ్చని, చెప్పులు ధరించి రావాలని సూచించారు. అభ్యర్థులందరూ తప్పనిసరిగా బయోమెట్రిక్‌లను సమర్పించాలని పేర్కొంది.