గత పదిరోజులుగా జరిగిన వరుస విమాన ప్రమాదాలు తీవ్ర కలకలం రేపుతున్నాయి. తాజాగా మరో ఘోర ప్రమాదం తప్పింది. ఈ ఘటన అమెరికాలోని లాస్ ఏంజెల్స్ విమానాశ్రయంలో చోటుచేసుకుంది. ఒక విమానం రన్వేపై ఉండగానే మరో విమానం టేకాఫ్ కావడంతో ఎయిర్ ట్రాఫిక్ కంట్రోలర్ భయపడిపోయి పైలట్ను ‘ఆపు, ఆపు, ఆపు’ అంటూ హెచ్చరించాడు. అయితే, వాషింగ్టన్లోని గొంజగా యూనివర్సిటీ పురుషుల బాస్కెట్బాల్ జట్టు ప్రయాణిస్తున్న ప్రైవేట్ జెట్ రన్వేపై ఉండగా, ఈ ఘటన చోటుచేసుకుంది. అయితే క్షణాల్లో ప్రమాదం తప్పడంతో అందరూ ఊపిరి పీల్చుకున్నారు.
అయితే, శుక్రవారం జరిగిన ఈ సంఘటన ఆలస్యంగా వెలుగులోకి వచ్చింది. దీనిపై ఫెడరల్ ఏవియేషన్ అడ్మినిస్ట్రేషన్ విచారణ చేస్తుంది. లాస్ ఏంజిల్స్ లోని అంతర్జాతీయ ఎయిర్ పోర్టులో ఆ సమయంలో రన్వే నుంచి రెండో విమానం టేకాఫ్ అవుతుండడంతో రన్వేని దాటకుండా ఉండాలని బాస్కెట్ బాల్ టీమ్ సభ్యులున్న ‘కీ లైమ్ ఎయిర్ ఫ్లైట్ 563’ని ఎయిర్ ట్రాఫిక్ కంట్రోలర్లు ఆదేశాలు ఇచ్చారు. కానీ, అదే సమయంలో ఎంబ్రేయర్ ఈ135 విమానం టేకాఫ్ కావడంతో అలర్టైన సిబ్బంది స్టాప్, స్టాప్, స్టాప్ అంటూ ప్రైవేట్ క్యారియర్ పైలట్కు హెచ్చరించడంతో, పెను ప్రమాదం తప్పింది. దీంతో మొదటి విమానం టేకాఫ్ అయిన కాసేపటికి ప్రైవేట్ జెట్ టేకాఫ్ అయిందని అధికారులు చెప్పుకొచ్చారు.