జయశంకర్ భూపాలపల్లి జిల్లాలో దారుణం..

జయశంకర్ భూపాలపల్లి జిల్లాలో దారుణమైన ఘటన చోటుచేసుకుంది. కాటారం మండలంలోని దేవరాంపల్లి గ్రామానికి చెందిన సారయ్య (55)ను అదే గ్రామానికి చెందిన దుండగులు కిరాతకంగా హత్య చేశారు. ప్రాథమిక సమాచారం ప్రకారం, కళ్ళలో కారంపొడి చల్లి, గొడ్డలితో నరికి ఈ దారుణం జరిపినట్లు సమాచారం.

స్థానికులు ఈ సంఘటనను చూసి వెంటనే పోలీసులకు సమాచారం అందించారు. ఘటనా స్థలానికి చేరుకున్న కాటారం ఎస్సై మ్యాక్ అభినవ్ సంఘటనను పరిశీలించారు. హత్యకు గల కారణాలపై దర్యాప్తు ప్రారంభించారు. మృతదేహాన్ని పోస్టుమార్టం నిమిత్తం మహదేవ్‌పూర్ ప్రభుత్వ ఆసుపత్రికి తరలించారు. ఈ ఘటనపై పూర్తి సమాచారం కోసం పోలీసులు విచారణ కొనసాగిస్తున్నారు.