రంగం భవిష్యవాణి.. అమ్మవారు ఏం చెప్పారంటే..

సికింద్రాబాద్ మహంకాళి బోనాలు వైభవంగా జరుగుతున్నాయి. మాతంగి స్వర్ణలత పచ్చికుండపై నిలబడి అమ్మవారి భవిష్యవాణి వినిపించింది. రంగం కార్యక్రమానికి సీఎస్ శాంతికుమారి, మంత్రి పొన్నం పలువురు అధికారులు హాజరయ్యారు. భక్తుల పూజలపై అమ్మవారు ఆనందం వ్యక్తం చేస్తూ ఈ ఏడాది వర్షాలు సమృద్ధిగా కురుస్తాయని, పాడి పంటలు బాగా పండుతాయని తెలిపారు. ఎలాంటి అనుమానాలు పెట్టుకోవద్దు, భక్తులను చల్లగా కాపాడుకుంటామన్న మాతంగి స్వర్ణలత. ఏ బోనం అయినా, ఎవరు ఎత్తుకొచ్చినా పర్వాలేదు, సంతోషంగా అందుకునేది నేనే. వీళ్ళు, వాళ్ళు తేవాలని సందేహం పెట్టుకోకండి. మట్టి బోనం అయినా, స్వర్ణ బోనం అయినా, ఎవరు తెచ్చిన సంతోషంగా అందుకునే బాధ్యత నాది. పిల్లలు, పెద్దలు, జంతువులకు ఎలాంటి ఇబ్బందీ లేకుండా చూసుకుంటాను. నా రూపం పెట్టాలి అనుకుంటున్నారు కదా పెట్టండి. ఎవరు ఏం చేసినా, ఎవరెంత అడ్డుపడిన నా రూపం నేను పెట్టించుకుంటాను. తప్పని సరిగా నా రూపాన్ని నేను నిలబెట్టుకుంటా. బోనాలు సంతోషంగా ఘనంగా అందుకున్నాను. పిల్లలకు, గర్భిణులకు ఏం ఇబ్బంది రానివ్వను. తెలంగాణ ప్రజలను సుభిక్షంగా కాపాడుకుంటామని తెలిపారు. అందరూ సుఖసంతోషాలతో ఉండేలా చూసుకుంటానని అంటోంది మాతంగి స్వర్ణలత.https://youtu.be/Gn3vUaxtthA